Сучасныя вячоркі
26 чэрвеня ў Бабініцкую сельскую бібліятэку-клуб завіталі госці – удзельнікі народнага аматарскага аб’яднання “Зямны час” ГЦК “Перамога” г. Оршы: ансамбль “Чараўніца” і танцавальная група “Арабескі” з пастаноўкай “Сучасныя вячоркі”.
Прысутнічыя паглядзелі сучасны варыянт вячорак, паслухалі прыгожыя беларускія песні, успомнілі такія беларускія танцы як “Кракавяк” і “Падэспань”.
Любоў да сваёй Радзімы пачынаецца з любові да роднай мовы і культуры. Менавіта яна аб’ядноўвае нас у народ, які носіць прыгожае імя — беларусы. Традыцыйная культура для любой краіны з’яўляецца той каштоўнасцю, якая дазваляе адчуваць свою асабліваць. Традыцыі народа — гэта тая шматвяковая спадчына, якая найбольш выразна адлюстроўвае яго духоўнае аблічча і ўнутраны свет, дазваляе адчуць сувязь часоў і пакаленняў. Спакон вякоў наш народ жыў з песняй. У святы і будні праз спевы выліваўся настрой душы.
Загадчык бібліятэкі-клуба Л.В. Кісялевіч