Казка ў госці завітала
Супрацоўнікі Дзіцячай бібліятэкі імя У.С. Караткевіча 5 сакавіка запрасілі на паэтычныя хвілінкі трэцякласнікаў ДУА “Сярэдняя школа №2 г. Оршы”, якія былі прымеркаваны да 65-годдзя таленавітага майстара слова, лаўрэата Літаратурнай прэміі імя Васіля Віткі Уладзіміра Мазго.
Дзеці пазнаёміліся з жыццём і творчасцю паэта, паслухалі і прааналізавалі казку “Цуда-вуда”, адгадалі загадкі, сабралі беларускія прыказкі, з задавальненнем чыталі вершы аўтара. Даведаліся, што пісьменнік піша не толькі вершы і казкі, а таксама акразагадкі, анаграмы, метаграмы, якія спрыяюць развіццю асацыятыўнага мыслення, вобразнага ўяўлення, выхоўваюць любоў да беларускага слова.
У другой частцы мерапрыемства дзеці сваімі рукамі зрабілі невялічкія падарункі матулям да 8 Сакавіка.
Загадчык бібліятэкі Н.А. Савіцкая