Гімн слову беларускаму
У рамках акцыі “Размаўляй і натхняй”, аб’яўленай Віцебскай абласной бібліятэкай імя У. І. Леніна да Міжнароднага дня роднай мовы ў Барздоўскай сельскай бібліятэкі прайшлі цікавыя мерапрыемствы. На пряцягу тыдня праходзіць чытацкая акцыя "Чытаю родныя радкі", у рамках якой чытачы бібліятэкі прачытаюць свае любімыя радкі на беларускай мове. Гатая акцыя дазваляе адчуць усю мiлагучнасць і спеўнасць гучання роднага слова.
У файе другога паверха прадстаўлена цікавая кніжная выстава-панарама “Родная мова – матуліна спадчына”, якая адлюстроўвае амаль усе аддценні роднага слова… І дзеці, і дарослыя яшчэ раз упэўніліся, што мова - душа народа, наш галоўны і неацэнны скарб!
Вучні 6 класа ДУА “Барздоўская дзіцячы сад-сярэдняя школа Аршанскага раёна” сталі ўдзельнікамі марафона “Гімн слову беларускаму”. Школьнікі змаглі акунуцца ў атмасферу самабытнасці і непаўторнасці роднага слова. Удзельнікам мерапрыемства прыйшлося да спадобы падарожжа ў краіну беларускага слова, з прыпынкамі, на якіх іх чакалі розныя цікавыя конкурсы “Наборшчыкі”,”Перакладчыкі”, тэматычная віктарына “Беларуская скарбонка”, загадкі. Бібліятэкар Т.Іванова не толькі размаўляла з чытачамі на беларускай мове, але і прапанавала ім у школе , у краме, на вуліцы, дома – усюды карыстацца роднай мовай.
Падрыхтаваныя мерапрыемствы нікога з удзельнікаў не пакінулі абыякавымі. Галоўная мэта – данесці да кожнага тое асноўнае, што трэба ведаць і любіць “зямлі бацькоўскай слова” - выканана.
Бібліятэкар Іванова Т.В.