Роднай мовы пералівы
Гульня-конкурс “Роднай мовы пералівы” для юных чытачоў прайшла ў Задроўеўскай сельскай бібліятэцы. У час мерапрыемства дзеці пазнаёміліся з гісторыяй роднай мовы, дазналіся, як узнікла беларускае кнігадрукаванне і які ўплыў на гэтыя працэсы аказалі выдатныя беларускія асветнікі і дзеячы культуры. А вось пазнаёміцца з некаторымі скарбамі беларусакай мовы вучні змаглі падчас правядзення гульнёвай часткі мерапрыемства.
Дзеці ўспомнілі беларускія прыказкі і прымаўкі, загадкі і жарты, з задавальненнем спаборнічалі ў рашэнні беларускамоўных рэбусаў, шукалі лічэбнікі ў сказах, займаліся перакладніцкай справай на хуткасць і дасканаласць. Адказваючы на пытанні вучні змаглі паказаць неблагія веды. Цікавасць выклікала тэматычная выстава “З любоўю да роднага слова” з творамі беларускіх пісьменнікаў.
Бібліятэкар Цубаркова М.С.