Ведаю родную мову!
Для вучняў малодшых класаў ДУА “Высокаўская сярэдняя школа Аршанскага раёна” бібліятэкар і настаўнік правялі цікавае выпрабаванне - урок-гутарку “Як я ведаю родную мову?”, прысвечаную Міжнароднаму дню роднай мовы.
Хлопчыкі і дзяўчынкі пазнаёміліся з гісторыяй свята роднай мовы і прынялі ўдзел у конкурсах: “Загадкі”, “Перакладчыкі”, “Словазнаўцы”, “Назаві адным словам”, “Наадварот” і іншыя.
Падчас мерапрыемства ўдзельнікі чыталі вершы на беларускай мове. Свята запомнілася ўсім. Кожны вучань зразумеў, што трэба любіць і шанаваць родную мову, бо менавіта ў мове захавана гісторыя нашага народа, сіла і краса народнага слова.
Бібліятэкар Купрэева М.М.