Веча славянскіх балад
У бiблiятэцы імя М.Горкага адбыўся літаратурны хранограф “Веча славянскіх балад”, прысвечаны дню нараджэння вялікага майстара, беларускага пісьменніка, нашага земляка Янкі Сіпакова. На мерапрыемства завіталі навучэнцы 6 класа ДУА “Сярэдняя школа № 7 г.Оршы”.
Каб прыцягнуць увагу дзяцей да творчасці таленавітага майстра мастацкага слова, каб наладзіць на паэтычны лад, мерапрыемства пачалося з верша “Узміхніся мне”, якое прачытала бібліятэкар. Далей дзеці пазнаёміліся з жыццём і творчым лёсам пісьменніка. Вучням паведалі, што дзякуючы перакладам Янкі Сіпакова, на нашай роднай мове пачалі “размаўляць” А.С. Пушкін, І.С. Тургенеў, Т. Шаўчэнка, А. Блок, К.Чукоўскі і дзясяткі іншых знакамітых паэтаў. Янка Сіпакоў пераклаў вершы кітайскіх паэтаў Ду Фу і Ван Міна, “Боскую камедыю” Дантэ Аліг’еры.
У конкурсе “Знайдзі пару” вучні даведаліся пра кнігі якія напісаў Янка Сіпакоў. Потым паўдзельнічалі ў літаратурнай віктарыне, прысвечанай творчасці пісьменніка. Мерапрыемства прайшло ў сяброўскай абстаноўцы.
Бібліятэкар С.В. Колабава