Літаратурныя сцяжынкі роднага краю
Дзіцячая бібліятэка імя У.С. Караткевіча пачынае ў 2023 годзе новы праект “Літаратурныя сцяжынкі роднага краю”. Мэта праекта: папулярызацыя чытання сярод дзяцей і моладзі, фарміраванне пачуцця любові да малой радзімы, да яе гістарычнай памяці, знаёмства з жыццём і творчасцю аршанскіх пісьменнікаў.
Малая радзіма, мілы сэрцу родны бацькоўскі край… Усё, што ёсць у чалавека светлага і адкрытага, усё, што ён свята шануе, памятае і беражэ ўсё сваё жыццё і перадае дзецям - гэта яго малая радзіма, яго гістарычныя карані. А малая радзіма тысячамі бачных і нябачных нітак непарыўна звязана з нашай Айчынай.
Такім месцам, бясконца дарагім і блізкім, з'яўляецца для нас аршаншчына з палямі і лясамі, з рэкамі і азёрамі, з вёсачкамі і пасёлкамі... Шмат знакамітых і таленавітых людзей нарадзілася на зямлі аршанскай, якія любяць, шануюць і апяваюць свой родны край.
Усіх тых, хто любіць свой родны край і разам з тым неабыякавы да паэзіі, ласкава запрашаем у літаратурнае падарожжа па сцяжынках жыцця і творчасці таленавітых землякоў.
Бібліятэкар Н.У. Нароўская