І сёння з намі Колас і Купала
3 лістапада ўся наша краіна адзначае 140 год з дня нараджэння народнага паэта Беларусі Якуба Коласа. Дзіцячая бібліятэка імя Н.К. Крупскай да значнага юбілею вялікага беларускага песняра падрыхтавала свята пісьменніка “І сёння з намі Колас і Купала!”, на якім прысутнічалі вучні ДУА “Сярэдняя школа №5 г. Оршы”. У гэты дзень юныя чытачы бібліятэкі пазнаёміліся з творчасцю Якуба Коласа, прыхінуліся да літаратурных скарбаў паэта.
Канышка Насця, Бараўнёва Крысціна, Іванова Юлія, Шашчанка Арцём да святочнага мерапрыемства падрыхтавалі і пранікнённа прачыталі цудоўныя вершы Якуба Коласа: “Восень”, “Чыгунка”, “Храбры певень”, “Зіма”.
Нацыянальнага каларыта, прыгажосці дабавіла святу пісьменніка выступленне кіраўніка этнаграфічнага пакоя “Наследие Оршанщины” ДУДА ”Оршанский районный центр физической культуры, туризма и краеведения детей и молодёжи” В.У. Ягоравай. У выкананні Вольгі Уладзіміраўны прагучаў урывак з паэмы Якуба Коласа “Новая зямля”.
Вялікае задавальненне атрымалі дзеці і дарослыя ад прагляду прыгожага відэакліпа на песню І. Лучанка, верш Якуба Коласа, “Мой родны кут” у выкананні “Песняроў”.
Да юбілейнай даты песняра бібліятэкар Шасцітка П.У. падрыхтавала відэапрэзентацыю “Коласаўскія адрасы радзімы”, якую з цікавасцю паглядзелі ўдзельнікі мерапрыемства.
Загадчык бібліятэкай Палітава Ж.А.