Як я ведаю родную мову
21 лютага адзначаецца Міжнародны дзень роднай мовы. І гэта невыпадкова. Без мовы не існаваў бы свет. Родная мова - гэта жывая сувязь часоў. З дапамогай мовы чалавек усведамляе ролю свайго народа ў мінулым і сучаснасці, далучаецца да культурнай спадчыны. 18 лютага, напярэдадні гэтага свята, бібліятэкар Высокаўскай сельскай бібліятэкі наведала навучэнцаў групы падоўжанага дня ДУА "Высокаўская сярэдняя школа Аршанскага раёна".
Разам з кіраўніком групы падоўжанага дня Трусавай А.У. праведзены ўрок-гутарка "Як я ведаю родную мову?". Бібліятэкар зрабіла экскурс у гісторыю свята.
Быў праведзены турнір знаўцаў беларускай мовы, падчас якой былі выяўлены лепшыя, якія ўмеюць лёгка разгадваць беларускія загадкі, складаць фразы, запамінаць беларускія прыказкі і прымаўкі. Скончыўся ўрок узнагароджаннем пераможцаў.
Бібліятэкар Харанека І.Я.