Староначкі з моўнай скарбоначкі
Пад такой назвай у дзіцячай бібліятэкі імя Н.К.Крупскай 24 лютага прайшоў урок роднай мовы, які быў прысвечаны Міжнароднаму дню роднай мовы. На мерапрыемства бібліятэкары запрасілі вучняў 3 класа ДУА “Сярэдняяя школа №5 г.Оршы”.
Бібліятэкар Балашова І.У. расказала маленькім чытачам пра тое, калі і кім было заснавана свята матчынай мовы, пра тое, што мова жывая, пакуль на ёй гавораць.
Дзеці з задавальненнем прынялі ўдзел у цікавых конкурсах: “Што лепш, а што горш”, “Дзяўчынка-гаспадыня”, “Я ведаю родную мову”. Хлопчыкі і дзяўчынкі дружна адгадывалі беларускія загадкі і выконвалі заданні бібліятэкара расказаць на роднай мове пра сваю сям’ю, лепшых сяброў. Вядучая звярнула ўвагу вучняў на кніжную выставу “Цікавыя кніжкі шукаюць сяброў“ і пазнаёміла іх з дзіцячымі пісьменнікамі-юбілярамі 2021 года, пісьменнікамі-землякамі і новымі кніжкамі на роднай мове.
Бібліятэкар І.У.Балашова