“Хто страціў сваю памяць, той страціў усё”…
Шмат таленавітых людзей падаравала аршанская зямля. Сёння ў Беларусі няма такога кутка, дзе б не ведалі Уладзіміра Сямёнавіча Караткевіча – таленавітага паэта, празаіка, драматурга, чалавека з энцыклапедычнымі ведамі і нястомнай працавітасцю. Яго жыццё - узор служэння радзіме, мове, народу. У дзень нараджэння пісьменніка прыхільнікі яго творчасці: моладзь і мясцовыя паэты, супрацоўнікі музеяў і бібліятэк, арганізавалі і правялі каля помніка ў гарадскім парку літаратурныя чытанні.
Пасля правядзення малітвы і віншаванняў са святам прагучалі ўсім вядомыя вершы У.Караткевіча і вершы аршанскіх паэтаў.
Творы Караткевіча выхоўваюць патрыятычныя пачуцці, дапамагаюць разумець наша мінулае і сучаснае. Пра Уладзіміра Караткевіча хочацца распавядаць шмат цікавых сведак. З гэтай нагоды 26 лістапада ў Цэнтральнай бібліятэцы імя А.С. Пушкіна для вучняў 9-х класаў ДУА "Сярэдняя школа №4 г.Оршы" прайшла літаратурна-музычная гасцёўня “Зямлі маёй талент і натхненне”, прысвечаная 90-годдзю з дня нараджэння таленавітага зямляка.
Вядучыя: Міклашэўская Вольга і Самонава Валянціна пазнаёмілі навучэнцаў з цікавымі фактамі жыцця і творчасцці пісьменніка. На мерапрыемстве ў выкананні трыо “Крещендо» прагучаў музычны твор “Жураўлі на Палессе ляцяць”, а Паліна Шыбека, вучаніца ДУК "Аршанская дзіцячая школа мастацтваў №1”, падаравала песню “Матуля Беларусь”.
Наталля Янкоўская, Валянціна Самонава