Нясумны вечар у бібліятэцы
16 верасня ў дзіцячай бібліятэцы імя У.Караткевіча адбылася маштабная штогадовая культурна-адукацыйная праграма «Нясумны вечар у бібліятэцы», прымеркаваная да Дня бібліятэк.
Дзень бібліятэк - не толькі прафесійнае свята бібліятэкараў, але гэта і свята ўсіх тых, хто не ўяўляе сваё жыццё без кніг, а гэта азначае, што гэта і свята ўсіх прыхільнікаў кнігі і чытання, якіх, дарэчы, у гэты вечар у бібліятэцы сабралася вельмі многа.
2016 год аб’яўлены ў нашай краіне Годам культуры, таму “Нясумны вечар у бібліятэцы” ў гэтым годзе быў прысвечаны традыцыйнай беларускай культуры: музыцы, літаратуры, фальклору, гісторыі, традыцыям, абрадам і меў назву “Запрашаем у Беларусь”.
Для сваіх гасцей бібліятэкары Аршанскай ЦБС падрыхтавалі цікавую і насычаную праграму. Кожны пакой дзіцячай бібліятэкі імя У.Караткевіча прымерыў на сябе новы вобраз, звязаны з гісторыяй і сучаснасцю нашай краіны. Усіх удзельнікаў свята запрашалі ў пакоі: “Беларусь старажытная”, “Беларусь этнічная”, “Баларусь рознакаляровая”, “Беларусь таямнічая”, “Беларусь пісьменная”, “Беларусь культурная” і іншыя.
У кожным з іх разргортвалася сваё цікавае і займальнае дзеянне, ладзіліся гульні, конкурсы, віктарыны, майстар-класы.
Навінкай гэтага года таксама стаў квэст, удзельнікам якога патрэбна было сабраць 5 згубленых світкаў і вярнуць іх у бібліятэку. Удзельнікі квэста акрамя яркіх ураджанняў атрымалі салодкія прызы і памятныя сувеніры.
Вельмі прыемна, што да нас на свята завітала шмат гасцей – творчых калектываў нашага горада і раёна, якія дапамаглі зрабіць “Нясумны вечар у бібліятэцы” па-сапраўднаму вясёлым і святочным. Дзякуючы ім, у дворыку калегіума езуітаў разгарнулася свая праграма. Яна пачалася вясёлым танцам харэаграфічнага калектыву “Non-stop” Палаца культуры г.Барань. Дзеці паказалі вяселы танец пад песню “Гімн бібліятэк”. Далей адбылося выступленне абразцовага танцавальнага калектыву «Весялушкі» Гарадскога цэнтра культуры. Дэфіле мадэляў у касцюмах з льну прадставіў калектыў “Вобраз.by” сярэдняй школы №3. Спадабалася гасцям і выступленне ансамбля “Гагарынскія музыкі” Вусценскага дома культуры.
Новы сучасны напрамак, якім захапляецца сёння беларуская моладзь прадставілі ВМX – веласіпедысты, якія выканалі складаныя і рызыкоўныя трукі на веласіпедах. Хлопцы выступілі пры падтрымцы сеткі магазінаў «ВелаДрайв».
Наша беларуская зямля мае багатую гісторыю, яна авеяная славай і гонарам перамог. У гераічнае мінулае нашай краіны нам дапамаглі зазірнуць удзельнікі клуба гістарычнай рэканструкцыі “Liberum voldus” Дома культуры г.п.Балбасава. Яны прадэманстравалі гасцям цікавую інсцэніроўку, якая ўключала пастаноўку сярэдневяковага танца, рэканструкцыю бою вікінгаў і бою рыцараў.
Такім чынам, усе, хто завітаў у гэты вечар у бібліятэку, далучыліся да самабытнага свята беларускай культуры, атрымалі яркія ўражанні і незабыўныя эмоцыі.
Асаблівую падзяку адміністрацыя і супрацоўнікі Аршанскай ЦБС выказваюць: дырэктару ААТ “Аршанскі малочны камбінат” А.П.Зайцу, дырэктару філіяла Аршанскі хлебзавод ААТ “Віцебскхлебпром” Д.М.Венгеру, дырэктару ААТ “Оршасырзавод” А.К.Барысенку за смачную прадукцыю для дэгустацыі.
Больш фота глядзіце ў раздзеле Фотагалерэя