Сваю мову паважаю
З 20 па 27 лютага ў Барздоўскай сельскай бібліятэцы праходзіла чытацкая акцыя “Сваю мову паважаю - кнігі я на ёй чытаю”, падчас якой бібліятэкар з наведвальнікамі стараліся размаўляць толькі на роднай мове.
Кожны наведвальнік мог паўдзельнічаць у разгадванні беларускага філворда, красворда, выказаўшы тым самым сваю любоў і павагу прыгожай і мілагучнай, роднай і старажытнай мове бацькоў. Чытачам, якія вырашылі пашырыць свой слоўнікавы запас, даведацца пра нешта новае і ўспомніць даўно атрыманыя веды па беларускай мове, бібліятэкар прапанавала прыняць удзел у слоўнікавым лабірынце - перакласць словы з рускай мовы на беларускую і наадварот.
Кожны чалавек пачынаецца з Радзімы, а Радзіма для ўсіх нас – гэта і песня матулі, і казкі, пачутыя ў дзяцінстве, і першыя прачытаныя словы, таму невыпадкова, што паэтычны квілт, які быў праведзены для вучняў старэйшых класаў ДУА “Барздоўская дзіцячы сад - сярэдняя школа Аршанскага раёна” называўся “Рыфмуецца з Радзімай”. У выкананні ўдзельнікаў мерапрыемства прагучалі вершы пра Беларусь Я. Янішчыц, У. Дубоўкі, М. Танка, Я. Купала, У. Караткевіча, П. Панчанкі.
На працягу тыдня ў бібліятэцы экспаніравалася кніжная выстава-прэзентацыя “Беларуская мова - душа народа”. Кожны наведаннік меў магчымачць пазнаёміцца з навінкамі беларускага друку, узяць дадому кнігі на беларускай мове і атрымаць асалоду ад чытання на роднай мове.
Бібліятэкар Іванова Т.В.