Выбраннік Палесся
6 лютага, да 105-годдзя з дня нараджэння народнага пісьменніка Беларусі Івана Паўлавіча Мележа і ў рамках рэспубліканскага праекта “Кожная пятніца – роднае, сваё” у Высокаўскай сельскай бібліятэцы правялі літаратурную гасцеўню “Іван Мележ – выбраннік Палесся”.
У мерапрыемстве прынялі ўдзел вучні малодшых і сярэдніх класаў ДУА “Высокаўская сярэдняя школа Аршанскага раёна”. Школьнікі даведаліся пра цікавыя факты з жыцця і творчасці вядомага беларускага пісьменніка. Прагучаў адзін з першых вершаў Мележа “Жураўлі” напісаны ў 1940 годзе і ўрывак з апавядання "Белыя вішні і яблыні". У завяршэнне мерапрыемства хлопчыкі і дзяўчынкі пазнаёміліся з кніжнай выставай “А на зямлі яго не згасне святло...”, на якой былі прадстаўлены кнігі пісьменніка.
Бібліятэкар Харанека І.Я.