Інтэрактыўнае воблака слоў
Інтэрактыўнае воблака слоў “Маё любімае слова па-беларуску” да Міжнароднага дня роднай мовы ўвабрала ў сябе знакавыя словы для кожнага беларуса.
Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, іншыя – мілагучнасцю. Эксперты ЮНЕСКА прыйшлі да высновы, што беларуская мова – самая мілагучная пасля італьянскай. Гісторыкі сцвярджаюць, што яна яшчэ і самая старажытная сярод славянскіх.
Міжнародны дзень роднай мовы падштурхоўвае нас задумацца аб месцы матчынай мовы ў нашым жыцці, яе захаванні і перадачы наступным пакаленням.
Інтэрактыўнае воблака слоў “Маё любімае слова па-беларуску” ладзілася для таго, каб звярнуць увагу чытачоў на сакавітае гучанне і спецыфічны каларыт роднай мовы.
Прапануем вашай увазе пералік любімых беларускіх слоў, якімі падзяліліся нашы ўдзельнікі. Калі вам спадабалася наша акцыя, то прапануем далучыцца да нас. І тады вашы любімыя беларускія словы займуць пачэснае месца на інтэрактыўнай карце воблака слоў.