З дyшы ўвecь чaлaвeк caткaны
14 студзеня ў чытальнай зале “Бібліятэка Янкі Сіпакова” для вучняў 7 “А” класа ДУА “Сярэдняя школа № 16 г. Оршы” прайшла экскурсія. Валянціна Самонава пазнаёміла вучняў з цікавымі звесткамі жыцця і творчасці пісьменніка, паказала фотаздымкі, асабістыя рэчы, а таксама прадставіла калекцыю кніг беларускіх аўтараў з аўтографамі.
Янка Сіпакоў - паэт, празаік, публіцыст, перакладчык, крытык, лаўрэат Дзяржаўнай прэміі Беларусі, заслужаны дзеяч культуры РБ, які пакінуў нам багатую спадчыну. У сваіх творах Янка Сіпакоў праявіў сябе вялікім майстрам, філосафам, чалавекам, які добра ведаў свой народ і гісторыю свайго краю. Як казаў сам пісьменнік: “Пішу шмат і з радасцю…”. Неабходна адзначыць, што Янка Сіпакоў не толькі пісаў, але і перакладаў. Дзякуючы яму на нашай роднай мове пачалі размаўляць: А. Пушкін, А. Блок, Р. Гамзатаў, К. Чукоўскі і дзесяткі іншых знакамітых паэтаў.
Іван Данілавіч Сіпакоў прайшоў цяжкі жыццевы шлях, але ж нягледзячы на ўсе выпрабаванні быў чалавекам дабразычлівым, сціплым, ветлівым. За сваё жыццё пісьменнік сабраў вялікую ўласную бібліятэку, якая лічылася адной з лепшых ў Мінску і налічвала звыш 10 000 экзэмпляраў кніг. Больш 550 экзэмпляраў у яго бібліятэцы з аўтографамі пісьменнікаў, з якімі сустракаўся Іван Данілавіч на жыццёвым шляху і сябраваў. Гэта - Іван Шамякін, Максім Лужанін, Алег Лойка, Генадзь Бураўкін, Уладзімір Караткевіч, Васіль Зуёнак, Ніл Гілевіч і іншыя. Надпісы і пажаданні на кнігах вельмі шчырыя, цёплыя, ідуць ад чыстага сэрца.
Чытальная зала “Бібліятэка Янкі Сіпакова” штогод збірае аматараў творчасці нашага таленавітага земляка, дае магчымасць пазнаёміцца з яго творамі і ўласнай калекцыяй.
Бібліятэкар ААіІ Валянціна Самонава