Фолк-фэст "Купальскія таямніцы"
У рамках рэспубліканскага свята «Александрыя збірае сяброў» у гарадскім пасёлку Копысь на Пятроўскім вале ўпершыню прайшоў фолк-фэст «Купальскія таямніцы». Для гасцей свята было арганізавана шмат тэматычных, забаўляльных і інтэрактыўных пляцовак з праходжаннем квэсту. Супрацоўнікі Аршанскай цэнтралізаванай бібліятэчнай сістэмы прынялі ўдзел у фолк-фэсце.
На пляцоўцы бібліятэчнай сістэмы “Кніжныя таямніцы” можна было навучыцца напісанню літар стараславянскім шрыфтам гусіным пяром. Таксама праходзілі майстар-класы па вырабу купальскіх бранзалетаў з кветак і лісця, сімвала Копысі – зайчыка і сімвала свята Купалля – папараць-кветкі. Працавалі кніжная выстава і гульні для дзяцей.
