Купала заўсёды ў сэрцы маім
29 чэрвеня прайшло традыцыйнае свята ў Ляўках прысвечанае дню нараджэння народнага паэта Беларусі Янкі Купалы. Супрацоўнікі Цэнтральнай бібліятэкі імя А.С.Пушкіна, паэты народнага літаратурнага аб’яднання “Дняпроўскія галасы” і удзельнікі клуба аўтарскай песні “Акцэнт” прынялі удзел ў гэтым мерапрыемстве.
Пабываўшы ў Купалаўскім запаведніку, становіцца зразумела, чаму літаратар абраў для адпачынку і натхнення менавіта гэтае месца. Высокія хвоі, чыстае паветра, цішыня лесу, маляўнічы бераг Дняпра здольныя натхняць паэтычную натуру на стварэнне новых творчых работ. Паэты Аршаншчыны гэтак жа прысвяцілі свае вершы выдатным мясцінам. Пётр Аўраменка прачытаў свой верш “Левки” і “Купальская ночь”, а Вольга Крываносава прысвяціла свой верш дарагім сэрцу аршанскім мясцінам “Паэтамі васпетыя мясціны” і паэтычна павіншавала усіх са святам “Сябры,віншую вас са святам!”, і яшчэ адзін верш быў прысвечаны 80-годдзю з дня вызвалення Беларусі ад нямецка-фашысцкіх захопнікаў “Пусть будет мир”. Ларыса Рудкоўская гледзячы на краявіды, што акружаюць нас, адчувае гордасць за свой родны край, менавіта тут яна знайшла сваё сэрца, сваю душу і гэта усё вылілася ў вершы “Аб Беларусі”, “Высновы”, “Ранак”.
Ноту гумару прыўнёс Фёдар Васько сваімі вершамі “На свежем воздухе безумна голова”, “Иссяк мой жизненный запас…” і філасоўскімі думкамі ў вершах “Писать стихи – забава,блажь и боль”, “Пытаясь выразить словами”, “Улыбнется ангел где-то”, “Печаль на свете не живёт одна”. Мерапрыемства працягнулася выступленнем музычных калектываў Копыскага Дома культуры і Зубоўскага сельскага Дома культуры. Гучалі песні пра Беларусь, нашу малую радзіму, пра каханне, сяброўства, бацькоўскі дом.
Перапляценне адпачынку і выступленняў розных людзей, якія дзяліліся сваімі вершамі, песнямі і эмоцыямі, а таксама цудоўная прэзентацыя выстаўкі “Тут усякая рэч як гавора з табой…”, экскурсія па музейным комплексе “Ляўкі” назаўсёды застанецца ў нашай памяці.
Загадчыца аддзела абслугоўвання і інфармацыі Фядосава А.І.