Я не так сабе гуляю – на роднай мове размаўляю!
Мова – душа народа, векавая памяць многіх пакаленняў, наш галоўны нацыянальны скарб. Жыве мова – жыве народ, жыве памяць продкаў. Але ў кожнага чалавека ёсць толькі адна родная мова. Для кожнага беларуса яго родная мова – беларуская.
У бібліятэцы імя М. Горкага для вучняў 4 “А” класа ДУА “Сярэдняя школа №9 г. Оршы” прайшла конкурсна-гульневая праграма “Я не так сабе гуляю – на роднай мове размаўляю!” да Міжнароднага дня роднай мовы.
У час мерапрыемства дзеці пазнаёміліся з гісторыяй і культурай роднай мовы, дазналіся, што патрэбна любіць, шанаваць і берагчы родную мову. Дзяўчынкі і хлопчыкі паслухалі вершы Я. Коласа “Мой родны кут, як ты мне мілы!..”, У. Караткевіча “Бацькаўшчына”. Напрыканцы сустрэчы Чэрнікаў Іван выканаў песню “Сланечнік” з рэпертуара беларускай групы “Дразды”.
Бібліятэкар В. Петрачэнка