Государственное учреждение культуры
«Оршанская централизованная библиотечная система»
www.orshalib.by Почтовый пер., д.2

Вход

Калядныя вечары ў Зубаве

kaliadnyja viečaryЗіма – добры час для святаў. Так лічылі нашы продкі. А таму аж да сярэдзіны студзеня ладзілі зімовыя святы – Каляды. А якія ж Каляды без калядоўшчыкаў? Малодшыя чытачы бібліятэкі разам з бібліятэкарам і супрацоўнікамі Зубаўскага СДК падрыхтавалі абрад калядавання.

Усе разам завіталі дамоў да жыхароў вёскі з гучнымі песнямі і святочным прадстаўленнем, пажаданнямі дабрабыту і здароўя. Забаўлялі прысутных жартамі, пацешнымі гульнямі і весялосцю. Літаратурнае калядаванне “Светлае свята Вадохрышча” прайшло напярэдадні Водахрышча. На мерапрыемства сабраліся ўдзельнікі клуба аматараў беларускай паэзіі “Купалінка”.

kaliadnyja viečary5

kaliadnyja viečary4

Бібліятэкар павіншавала прысутных і расказала аб свяце Богаяўлення, аб звычаях і традыцыях звязанных з гэтым святам. Звярнуліся да твораў  беларускіх і рускіх аўтараў, прысвечаных святу, прачыталі вершы. На працягу мерапрыемства дэманстравалася прэзентацыя “Крашчэнне Хрыстова”. У прэзентацыі звярнуліся да біблейскіх сюжэтаў, твораў паэтаў і мастакоў, дапаўняючых тэму.

kaliadnyja viečary1

kaliadnyja viečary3

kaliadnyja viečary2

Калядныя святы прынеслі агульную радасть і святочны настрой.

Бібліятэкар Т. Дзегцярова

Поделиться