Дзіўныя казкі Васіля Віткі
Супрацоўнікі бібліятэкі імя М. Горкага для вучняў 4 “Б” класа ДУА “Сярэдняя школа №7 г. Оршы” правялі казачны сундучок “Дзіўныя казкі Васіля Віткі”, які быў прысвечаны 110-годдзю з нараджэння майстра беларускай казкі Васіля Віткі. Вучні з задавальненнем пазнаёміліся з творчасцю вядомага дзіцячага пісьменніка.
Сваю вядомасць Васіль Вітка набыў як паэт-казачнік. Яго казкі – надзвычай займальныя і пазнавальныя.
Дзякуючы яго творам, юныя чытачы больш поўна пачынаюць разумець родную мову, распазнаюць дабро і зло, адкрываюць для сябе навакольнае асяроддзе.
Удзельнікі мерапрыемства разам з галоўным героем часопіса “Вясёлка” Васем Вясёлкіным знаёміліся з асобнымі творамі пісьменніка, разгадвалі загадкі, адказвалі на пытанні літаратурнай віктарыны.
Напрыканцы мерапрыемства ўвазе вучняў была прадстаўлена кніжная выстава.
Бібліятэкар Колабава С. У.