Государственное учреждение культуры
«Оршанская централизованная библиотечная система»
www.orshalib.by Почтовый пер., д.2

Гэта ўсё мая Радзіма…

meropriyatiye ideologiya17 снежня ў Цэнтральнай бібліятэцы імя А. С. Пушкіна прайшла  літаратурна-музычная гасцёўня “Я родным краем ганаруся і ведаю – я не адзін”. У мерапрыемстве прынялі ўдзел вучні 9-х класаў ДУА “Сярэдняя школа № 4 г. Оршы”. Вядучыя Валянціна Самонава і Кацярына Шпак паспрабавалі падвесці вынікі  работы, праведзенай пад знакам Года малой радзімы. За тры гады ў Беларусі  было зроблена шмат, усяго не пералічыш.

 

Побач з горадам Астравец у Гродзенскай вобласці, па расійскім праекце пабудавана БелАЭС,  - гэта рэвалюцыйны праект з рэактарамі трэццяга пакалення. У  Мінску адкрылася трэццяя лінія метро з 4-ма станцыямі. У Светлагорскім раёне Гомельскай вобласці адбылося адкрыццё мемарыяльнага комплексу “Ола”, які з’яўляецца напамінам пра жахі Вялікай Айчыннай вайны. У Аршанскім раёне пачаў сваю дзейнасць прамыслова-лагістычны комплекс “Брэміна – Орша”. З  трэццяга  лістапада гатовы да эксплуатацыі аэрадром Орша, які можа прымаць розныя тыпы паветраных судоў, а таксама верталёты ўсіх тыпаў.

meropriyatiye ideologiya3

meropriyatiye ideologiya4

Наш родны горад развіваецца, становіцца непаўторным. Прайшоўшы па вуліцах,  можна ўбачыць: новыя будынкі, спартыўныя аб’екты, абноўленыя дзіцячыя пляцоўкі, пасаджаныя дрэвы. 2 лістапада 2019 года ў маляўнічым месцы - на выгібе Дняпра, з’явілася алея сямейных дрэў.  Уздоўж дарожак, упрыгожаных вітымі аркамі, - 75 клёнаў. Столькі гадоў беларусы жывуць пад мірным небам, а дрэва клён лічыцца – сімвалам  кахання і поспеху.

meropriyatiye ideologiya5

Беларусь  -  прыгожая і добраўпарадкаваная краіна, з чыстымі ўтульнымі гарадамі,  вёскамі,  дагледжанымі палямі, багатай прыродай, а  галоўнае багацце нашай краіны   –  жыхары, якія ўслаўляюць сваю зямлю, нясуць свету добрае імя беларусаў. Наш зямляк  Уладзімір Караткевіч пісаў: "Жывы, разумны, працавіты і вольналюбівы беларускі народ!  Беларус адрозніваецца шчодрасцю, гатоўнасцю заўсёды прыйсці на дапамогу ў бядзе".   І гэта так…

Да ўсіх  хочацца звярнуцца словамі  Уладзіміра  Караткевіча: “Любіце гэтую святую зямлю аддана  і да канца.  Іншай вам не дадзена, ды і не патрэбна…” А наша краіна і наш слаўны горад -  хай квітнее і становіцца больш прыгажэй!

meropriyatiye ideologiya8

Бібліятэкар В. Самонава

Поделиться